總瀏覽量

2015年8月8日 星期六

奈奈的生活日記 119 咖哩屋

某個平日的早上...

大廚好努力炮製佢既秘製咖哩,

加入大量蘋果提升咖哩既甜味...

每日只供應五款口味,保持品質!


 
其他配料亦選用時令食材,
 
蔬菜日日親自去街市入貨。

 
準備得七七八八係時間開鋪啦!
 



鋪面好細只容納三位堂食,
 
 
通常佢都係做外賣生意多既。


午飯時候奈奈同同事第一時間趕到咖哩屋!
 
奈奈︰今日廚師推介係呢六款啵~
 

點好餐!大廚立即為佢地準備!

 
奈奈同同事NANA要開餐啦!
 
我唔客氣啦!
 


後話
 
早前去日本買回來的一套咖哩系列,
 
雖然得六款,但亦做得很精緻~

2015年7月25日 星期六

奈奈的生活日記 118 工作坊


好幾年前奈奈有一位朋友夢想成為時裝設計裝
 
經過幾年既努力,現在終於捱出頭擁有自己既工作坊
 
今日奈奈就來探呢位舊朋友...

 
 
 
 
一人工作坊由設計到生產都係佢一手包辦
 
地方細細不過話晒都係自己生意
 
 

佢就係奈奈個位設計師朋友 --- ANNA
 
最叻就係設計晚裝同婚紗


 
佢咩都自己一手包辦
 
車功更係一流
 
 
 
奈奈︰嘩!呢件好靚呀!可唔可以送比我呀!
 
 
 
ANNA︰一場來到慢慢食個TEA 先啦!D衫睇仲邊件隨便攞啦!
 
奈奈︰ANNA 你真係夠老友呢~ 愛死你呢~嘿嘿
 
 
 
 
後話
 
有多個月無UPDATE 奈奈日記,
 
原因係我發展緊我另一個興趣事業,
 
順便係到同自己賣下廣告先,
 
以下係我兒童手作頭箍
 
如果大家有興趣幫襯吓可到YAHOO拍賣場搵
 
"BABY LOVELY" 字眼
 
就可找到我既作品~
 


PS~ 我的小女兒做了我設計作品的小模特兒~嘿嘿
 
 
 
 
 

2015年3月15日 星期日

奈奈的生活日記 117 餐具店


某個愉快既星期日

奈奈前往朋友既聚會途中,

無意途徑呢間精品餐具店......


奈奈︰反正未夠鐘入去慢慢睇吓野先!
 
D 碟好精緻呀!唔似一般普通貨色啵!







店員 ︰ 歡迎光臨!小姐有咩可以幫到你呀?
 
奈奈︰我想要果幾隻碟,請問有無新嫁?

 


店員 (眼前一亮)  心想︰呢個女仔好可愛呀!
 
係我心中既女神呀!love!

 
 



服員 (怕羞中+ 面紅) ︰小...小... 姐...,
 

你想要邊幾隻...隻.....呀? (口吃中)

 

 
 
奈奈 (溫柔地) ︰我想要呢款杯,要2隻! (微笑)
 
店員 ( 迷倒中) ︰好既!好既!請等等。
 
 
 
 奈奈 (甜美) ︰另外,呢隻碟要兩隻,唔該!
 
店員 (面紅紅中)︰ 好既!好既!仲有無其他需要?
 
奈奈︰我仲想睇睇D刀叉,唔該你幫我包起呢D先。
 
 
 
 
就係奈奈選購刀叉既五分鐘
 
靚仔店員已經包裝好晒D杯碟...


 
店員 (型氣) ︰小姐,為多謝你既惠顧,
 
本公司特別送多套法國高級杯具比你。
 
(其實公司係無呢個優惠嫁呢!)
 
 

店員 ( 不停放生電中) ︰小姐,你一個人多難拎得晒咁多野,

我地公司有免費送貨嫁,你比你電話、地址... 我.... 我公司,
 
我幫你安排送貨哎!



奈奈 (心諗) 諗住買少少姐,點知免費有咁多野送,為有安排送貨啦。
 
 
店員 ( 滿心歡喜心諗) 終於有女神既聯絡地址電話,呵呵太好了...
 
 
 
 
 
 
半小時後
 
 



ROY︰HI~ 艾爾!今日仲咩春風滿面呀~嘿嘿~
 
艾爾 (心情勁靚)︰亞ROY ,我今日遇上我既女神呀!!!
 
 
之後艾爾仲不停描述今日遇上奈奈既經過呢~
 
當然ROY就唔知艾爾講既人係奈奈啦。
 



故事既發展如何... 哈哈~
 
遲D再話比大家知~嘿嘿...
 
 
 
 
 
 






2015年3月12日 星期四

奈奈的生活日記 116 Kitty Burger Shop

上文提到奈奈邀請亞ROY一齊共進晚餐

之後亞ROY 就帶咗奈奈同四葉妹妹去呢間

HELLO KITTY Burger Shop......




 
 
原來亞ROY 記得四葉妹妹提過奈奈係一個KITTY 迷,
 
所以特意帶佢地去呢間漢堡包店。
 



由於晚餐時份所以奈奈去咗霸位先,

亞汪就同四葉妹妹點餐~



店員︰兩位請問想要D咩?

ROY ( 型氣) ︰四葉妹妹,隨便叫今餐我請客~

四葉 ( 超開心) ︰好嘢!我要一個開心樂園餐+ 雪糕特飲!......


 
店員︰製作特飲中...
 
 


由於鋪仔細細,所以所有食品都係少量生產,
 
盡量即叫即做,保証新鮮!
 
 
店員都係得一個人,全部一手包辦
 
個個漢堡包都係即叫即做。
 
 
 

店員 (忙到一頭煙) ︰先生,你要既餐已經到。




ROY ( 迷人既聲線) ︰奈奈小姐,幫你叫咗個KITTY 漢堡,希望你鐘意食。

奈奈 ( 怕羞 ) ︰我咩都食嫁,無所為,唔該晒...

 
 
 
就係奈奈怕羞到唔知點算既時候
 
四葉妹妹就好興奮同奈奈講...
 
 
 
四葉︰奈奈!奈奈!
 
亞汪換咗隻限量KITTY 比我呀!
 
 


四葉妹妹全餐飯都沉醉於佢個新KITTY 公仔既喜悅中

奈奈就同亞ROY 談天說地,當中仲得知好多亞ROY既個人情報~



不過歡樂既時光過得特別快,

又到大家分別既時間......

奈奈已經比亞ROY既才華深深吸引住,

臨別時大家仲交換咗電話號碼呢!


ROY ( 瀟灑 ) ︰今晚好開心,希望下次有機會再一次飯局。

奈奈 ( 沉醉中) ︰多謝你既請客,下次再約一齊食飯吖 (面紅中)

四葉 ( 滿足 ) ︰亞汪!BYE BYE!下次見!



 
 
 
後話
 
 
本來想做間大D既漢堡包店,
 
後尾砌砌吓發現本身材料不足,
 
個廚房未有足既配料完成,
 
所以最尾就變咗呢個迷你板出哩...

3

2015年1月28日 星期三

奈奈的生活日記 115 Mister Donut

某一日既下午
 
四葉又要參加學校既繪畫班



 
四葉妹妹(大人口吻)︰奈奈!你記住乖乖地留係到唔好亂走呀!
如果唔見咗你,我唔返哩搵你嫁!
 

 
奈奈( 無奈) ︰知啦!我會一直等你上完繪畫班,放心啦!
 
四葉妹妹(滿意中)︰好啦!咁你乖乖地自己照顧自己啦。
 
 

 
係等四葉上堂既時候
 
奈奈(滿心歡喜)︰唔該!我要一個草莓DONUT... 加... 加...
 

 
店員一號 (心諗)︰一個女仔食咁多件,肥死你呢~嘿嘿
 
 
 
店員一號︰一杯朱古力咖啡、一杯特濃.....
 
店員二號︰收到!收到!
 

店員一號︰比錢呢面!唔該!


店員一號 (心諗)︰一個女仔食三件DONUT 咁多,睇你點嫁得出...嘿嘿



奈奈(優閒自在) ︰一邊食DONUT 一邊上網,真係爽呀!
 

係奈奈自得其樂完全沉迷上網既時間
 
亞ROY又剛巧路經呢間DONUT店呢....


四葉妹妹︰亞汪!亞汪!咁啱呀,你去邊呀?
 
亞ROY ︰正想買D DONUT 返屋企做宵夜。你呢?
 
四葉妹妹︰我去完圖班依家去湊我姑姐返屋企。
 
亞ROY︰湊你姑姐?!哈哈
 
四葉妹妹︰等我介紹佢比你識哎。


四葉妹妹(興奮)︰奈奈!我介紹我個朋友仔你識哎,佢叫亞汪呀!
 
奈奈(呆呆中) 從電腦抬頭一看...
 
奈奈 (極速面紅中) ︰hi~hi ~ 嘜咁啱呀....
 
ROY ( 微笑中) : 係呀... 原來你就係四葉妹妹個果迷糊小姑姐... (偷笑中)


四葉妹妹︰原來亞汪你一早就識奈奈嫁~ 哈哈
 
ROY 與奈奈 兩人回心微笑一吓

 
四葉妹妹 ︰難得咁高興!不如我地今晚一齊去食晚飯哎!
 
奈奈 (怕羞中) ︰係啦.. 係啦.. 唔知你有無時間一齊食個飯呢?
 
ROY (瀟灑)︰當然好啦,我知道有間唔錯既餐廳係附近,
 
不如大家一齊去試吓啦。
 
 
 
想知故事既發展,請留意下一篇奈奈日記
 
多謝收看
 
 
 
 好耐之前係日本買咗呢個MISTER DONUT 玩具,
但就一次都無正式做一間DONUT 店既場景,
次次都將佢改東改西,今次做回正常donut 店,
感覺良好,起碼有比機會佢"認真"出過場。


佢部咖啡機真係可以出飲品嫁~嘿嘿