總瀏覽量

2016年9月15日 星期四

奈奈的生活日記 復刻版 03


某個下午
 
大學時代既奈奈係無飯學生,
每日三餐都係外賣搞掂,
今日佢就幫襯街口呢間外賣店。


 
店員小姐︰歡迎光臨!想要D咩呀?
 
 
奈奈︰唔該~我要呢樣個樣,之後加多呢個果個...
 
 
奈奈點咗串燒,廚房靓姐立即即叫即燒!

 
炭火燒烤香味傳千里!
呢到既串燒真係非常受歡迎!!
 
 
奈奈仲點咗呢到出名既炸薯餅!
 

 
轉頭廚房靓姐又要焗芝士南瓜批,
佢真係好忙呢!

 
廚房靓姐︰放出出面賣啦!手腳快手D先得嫁!
 
店員小姐︰係係係~ 知道啦!
 


果頭忙完出貨,呢頭又要忙點凍品,
店員小姐真係好幫得手呢!
 

忙完午市,廚房靓姐又會煲D涼茶比D熟客仔!
 
雖然鋪仔細細,但就充滿人情味呢!
 

後話
全景圖






 

2016年9月12日 星期一

奈奈的生活日記 復刻版 02


糖果店
 
讀書時代既奈奈係好鐘意食零食呢~
特別係朱古力同糖果,
每星期奈奈都會去呢間糖果店入貨。





奈奈︰今期出咗咁多新口味,都唔知買邊樣好呢!
 
 


 

糖果都有咁多款,樣樣都咁好味!


一睇奈奈就知佢係貪心鬼,一定樣樣都買D啦!
 


朱古力都係奈奈既最愛,
呢間鋪仲有外國入口既特別口味朱古力,
唔食齊睇都心動呢!



奈奈的生活日記 復刻版 01


某個星期日
 
奈奈當時仲係一個大學生,
每逄趕交論文既日子,
奈奈都鐘意到呢間咖啡屋趕功課。
 
 
奈奈貪呢間咖啡屋小人又安靜,
最重要係一杯咖啡就可以坐全日~
 
 
不過佢地既蛋糕甜品太吸引了,
所以奈奈總係會叫番一兩件甜點食吓


今次奈奈就點咗士多啤梨窩夫,
即叫即做!








後話
其實之前都有想過重POST番之前既奈奈日記,
始終都係我既心血呢...
不過又怕有排整理,所以打消了呢個念頭,
不過當小屋話都想睇返之前既奈奈日記,
令我心中團火又一次重現!

雖然係舊野,但間中拎出來回味都唔錯呢~哈哈
故事內容亦會重新編寫,
因為我已經唔記得之前寫過D咩了~哈哈