喜歡食玩這個玩意已經不知不覺有十幾年了...
小時候已經很喜歡微型玩意，
到出來社會工作就發現RE-MENT同 MEGA HOUSE 呢兩個邪惡既品牌，
一直都有留意佢地既出品，不過就沒有去買，
因為知道一旦開始就大件事了...
好景不常... 就係十幾年前的一個聖誕，
當時既男友 (現在既老公) 送咗第一套RE-MENT 比我，
死了~~~ 死了~~~~ 從此就走上呢條不歸路了.......
第一套全SET 擁有既食玩就係佢了,
之後就開始進入愛情既初期......
常常上網bid 返之前出既食玩，
初初只是單件咁買或bid，
間中都會抽下單盒。
之後買下買下都儲左唔少，
開始四圍去街買同留意邊到有得揀款買。
到熱戀期時就死了...
瘋狂咁全SET 咁買，
不斷有份推我落火坑既人就係我老公，
佢一有新款就話比我知同買比我，
搞到我唔買唔安樂，
之後開始進化到玩砌場景，
又一 惡化佳段...
由於砌個景豐富D會靓D既關係，
所以又不停買所需既食玩做場景，
就算去日本旅行都會特意安排買食玩既環節，
週圍咁搵D香港少既或特別版。
最貴就係呢一套，記得係日本買既，
當時仲心大心細咗好耐先買，
由於佢本身係非買品，所以特別難得。
因為我覺得太貴，謂番港紙都成五百幾蚊，
但係最後都係買咗...
到依家都仲未捨得開封，
因為好珍貴，所以怕會整花或唔見。
其實RE-MENT 真係伴我成長，
當中由少女到媽媽級都有不少回憶，
以下呢套就係我生亞仔後老公送的RE-MENT，
由於湊B太忙，
所以買咗都只能間中睇吓望吓...
奈奈日記亦因湊B停產咗一段時間，
可幸是雖然湊仔日子很忙，
但都總算砌到成一百話奈奈日記，
之後工作 、湊仔、又生B ...
真係好忙，好忙...
(堅忙！忙到死個隻)
雖然空出既時間少之有少，
但對RE-MENT 既熱愛都係不變，
我相信呢份熱情應該可以一直下去。
